Camiñada polas beiras do río Eifonso

Camiñada organizada polo Departamento de Galego da EOI de Vigo
Xuño 2011
Fotos de Chelo Fontán

Obra de teatro: ¡¡¡Aquí non paga ninguén!!!

PORTA ABERTA 

(Asociación de Antigo Alumnado da EOI de Vigo)

Estreará a obra de teatro ¡¡¡AQUÍ NON PAGA NINGUÉN!!! de Darío Fo.

Lugar: Aula Magna da Escola Oficial de Idiomas de Vigo (Martínez Garrido, 17)

Data: luns 31 de xaneiro de 2011 ás  20:00 horas

Máis información

Contos que non falten

DEPARTAMENTO DE GALEGO

Contos que non falten

Sesión de contos e historias de tradición oral


A cargo do contador

Celso Fernández Sanmartín

Luns, 14 de decembro de 2009
ás 20.00 horas na Aula Magna

Entrada libre

Viaxe das Letras Galegas “Terras do Ribeiro”

Sábado 16 de maio
Saída: 9.15 h
Lugar: Escola de Idiomas de Vigo
Prezo: 12 € (inscrición na conserxaría da EOI)

Mosteiro de Oseira

Visita guiada polo interior do máis grande dos mosteiros que temos en Galicia. Coñeceremos a súa historia, arte e desenvolvemento enmarcado no que foi a evolución da comarca do Ribeiro.

O Carballiño - igrexa da Vera Cruz
Obra relixiosa cimeira do noso arquitecto Antonio Palacios. Faremos unha visita guiada por todo este templo para coñecer as claves arquitectónicas da construción de Palacios e a súa vinculación co resto da súa obra en Vigo e Galicia

O Carballiño - parque Etnográfico
O percorrido a pé pola beira do río ao longo do parque municipal e o etnográfico permitirannos ter unha visión diferente deste concello

Xantar

De bocata: xantaremos nas zonas acondicionadas do parque etnográfico. Preparade bocatas, bebidas, petiscos para a sobremesa e moitas ganas de cantar, porque cancións non han de faltar, coma noutras ocasións

De restaurante: para quen quixer, dentro do parque hai un restaurante concertado. Prezo do xantar 10 €

Castro de San Cibrán de Las
O castro máis grande de Galicia. Na actualidade en proceso de restauración e recuperación

Ofrece a posibilidade de perderse na súa inmensidade despois da visita guiada que fagamos como grupo par coñecermos máis de preto a forma de vida e de organización urbana que tiña este pobo galaico

Pazos de Arenteiro
Esta aldea preto de Leiro é un lugar de visita e coñecemento obrigado. Foi declarada conxunto histórico e artístico en 1973. Presenta cinco pazos no seu interior, xunto con casas de fermosa fasquía, igrexa románica

Situada na confluencia dos ríos Avia e Arentei, gozaremos duns inesquecibles momentos polas súas ribeiras perfectamente acondicionadas para o paseo polo corazón dunha exuberante natureza

Conferencia das Letras Galegas

Carlos Fernández

“Ramón Piñeiro na historia de Galicia”

Data:	Luns, 11 de maio
Hora:	20.00 h
Lugar:	Aula magna

Carlos Fernández é licenciado en Historia, profesor de filosofía de Bacharelato e ensaísta.

Membro do Consello de Redacción da revista GRIAL e director dos Encontros de Mondariz-Balneario da Fundación Carlos Casares.

Entre outras publicacións, é autor de O pensamento epocal en Celestino Fernández de la Vega, premio Anxel Fole no ano 1988, de O Vento do espírito. De Vicente Risco a Ramón Piñeiro, e coautor, con Anxo Rei Ballesteros, de Urda e mundo. Un ensaio sobre Rof Carballo, premio Anxel Fole 2007. Este ano comisariará, xunto a H. Monteagudo, a exposición itinerante sobre R. Piñeiro, que se inaugurará o 14 de maio.

Organiza: Departamento de Galego

Gonzalo Navaza. Conferencia-coloquio

"Onomástica galega"

Data: luns, 30 de marzo
Hora: 20.00 h
Lugar: Aula Magna

>

Conferencia sobre os nomes de lugar e sobre os apelidos.

O público asistente poderá facer preguntas ao conferenciante.

Gonzalo Navaza naceu en Lalín en 1957. É catedrático de ensino medio e profesor na Facultade de Tradución e Interpretación da Universidade de Vigo. Poeta e narrador alén de tradutor e especialista en onomástica.

Conferencia de Anxos Sumai

Data: luns 2 de marzo
hora: 20.00 h
Lugar: Aula Magna da EOI.

Título: "De como un neno gordo chocou cunha balea"

Despois de que o club de lectura de galego traballase o libro de Anxos Sumai Así nacen as baleas, a autora visita a nosa escola para falar sobre a súa obra.
Será un encontro aberto con todas aquelas persoas que queiran coñecer máis de cerca a escritora e a súa obra.

O escritor Xavier Castro na EOI

Conferencia-coloquio

"Historia da muller e das relacións amorosas en Galicia"

Data: luns 24 de novembro

Hora. 20.00 h

Lugar: aula magna da EOI

XAVIER CASTRO PÉREZ (Cangas do Morrazo, Pontevedra 1954) é doutor en Historia pola Universidade de Santiago de Compostela (1982). Imparte docencia desde 1980 na Facultade de Xeografía e Historia da Universidade de Santiago de Compostela, como Catedrático de E. U. na área de Historia Contemporánea.

Acumula unha amplia experiencia docente e investigadora levada a cabo en universidades e centros de estudios de Argentina, Francia e Estados Unidos. Dirixiu varios proxectos de investigación subvencionados pola Xunta de Galicia e o Ministerio de Educación.

En colaboración co profesor Jesús de Juana promoveu desde 1983 as Xornadas de Historia de Galicia. Foi subdirector e membro do consello de redacción da revista Grial.

Entre as súas publicacións sobresaen: O galeguismo na encrucillada republicana (1983), A lume manso. Estudios sobre historia social de la alimentación (1998), Ayunos y yantares: Usos y costumbres en la historia de la alimentación (Nivola, 2001), A la sombra ejemplar de los parrales. Cultura del vino en Galicia y otros espacios peninsulares, (Trea, 2006). Servir era o pan do demo. Historia da vida cotiá en Galicia (Séculos XIX-XX). (Nigratrea, 2007). Estas publicacións obtiveron relevantes premios de investigación (entre outros, o premio de investigación Álvaro Cunqueiro de Gastronomía, en dúas edicións, e o Premio de Investigación Xesús Ferro Couselo).

Tamén é autor de numerosos artigos en libros colectivos e revistas especializadas sobre a temática do nacionalismo, a alimentación, a bebida e a emigración galega en América, temas que conforman as liñas principais do seu traballo de investigación. Tamén escribiu numerosos artigos na prensa e impartiu un gran número de conferencias.

Comisario da Exposición do cincuentenario da Editorial Galaxia (1950-2000). Membro da rede de investigadores europeos especializados en historia da alimentación (do Institut Europeen D’Histoire de L’Alimentation). Imparte cursos sobre a cultura e cata do viño e desempeñou o traballo de asesor histórico en varios proxectos audiovisuaiss (As leis de Celavella, La cocina atlántica, A casa de 1906, e de 1907).

Na actualidade promove, en calidade de investigador principal, o Proxecto de Investigación "Turismo histórico, gastronómico, enológico y cultural, en la ciudad Santiago de Compostela”, patrocinado pola Dirección Xeral de Turismo da Xunta de Galicia.