Mercadillo solidario na EOI

O alumnado e os departamentos da EOI participaron amplamente coa achega de materiais audiovisuais e publicacións.
Colocouse todo no recibidor da escola e dispúxose unha urna para que cada quen contribuíse coa cantidade que quixer.

O éxito é rotundo. Cada día chega novo material e cada día desaparece.

A recadación será entregada aos "Hermanos Misioneros de los Enfermos Pobres" de Teis (Vigo), dirixida neste momento polo padre Jose A. Donaire, unha entidade moi querida e considerada na cidade polo seu traballo desinteresado en favor das persoas que menos teñen.

Pensabamos ter en funcionamento unha semana este mercadiño, mais dada a participación tan considerábel por parte de toda a comunidade escolar, ampliámola uns días máis.