Magosto 2008

O martes 11 de novembro, día de San Martiño, a escola en colaboración coa asociación do alumnado organizamos o magosto deste ano.
A partir das 18.30 h durante o resto do serán, na entrada do edificio, foron centos de persoas as que pasaron pola festa que elí se montou.
Entre o alumnado da escola hai numerosos participantes de agrupacións tradicionais que participaron coa súa música e baile na ambientación dos nosos magostos ancestrais.
O departamento de alemán tamén lle deu un fermoso toque multicolor cuns faroliños propios do mes de defuntos alemán elaborados nas súas aulas.
A asociación do alumnado da escola ten un animado comezo de curso, coa posta en marcha dos cursos complementarios de idiomas os sábados pola mañá e a colaboración moi activa na organización desta festa do magosto.

Podedes ver unha relación máis completa de fotos desta actividade neste enlace.